Ayat e Shifa _Quran kareem ki Ayat sy eilaj

آیات شفاء

امام طریقت ابوالقاسم قشیری رحمۃ اللہ علیہ سے منقول ہے فرماتے ہیں کہ ان کا بچہ بیمار ہو گیا اسکی بیماری اتنی سخت ہو گئی کہ وہ قریب المرگ ہو گیا وہ بیان کرتے ہیں کہ میں نے رسول اللہ صلي الله تعالٰی عليه و اٰلہِ وسلم کو خواب میں دیکھا اور حضور صلي الله تعالٰی عليه و اٰلہِ وسلم کی خدمت میں بچہ کا حال عرض کیا حضور صلي الله تعالٰی عليه و اٰلہِ وسلم نے فرمایا تم آیاتِ شفاء سے کیوں دور رہتے ہو کیوں ان سے تمسک نہیں کرتے اور شفاء نہیں مانگتے میں بیدار ہو گیا اور اس پر غور کرنے لگا تو میں نے ان آیاتِ شفاء کو کتاب الہٰی میں چھ جگہ پایا وہ یہ ہیں :

1: وَيَشۡفِ صُدُورَ قَوۡمٍ مُّؤۡمِنِينَ (التوبہ 14:9)

اور اللہ تعالی شفاء دیتا ہے مومنین کے سینوں کو"

2: وَشِفَآءٌ۬ لِّمَا فِى ٱلصُّدُورِ ( یونس 57:10)

سینوں میں جو تکلیف ہے ان سے شفاء ہے

3: يَخۡرُجُ مِنۢ بُطُونِهَا شَرَابٌ مُّخۡتَلِفٌ أَلۡوَٲنُهُ ۥ فِيهِ شِفَآءٌ لِّلنَّاسِ‌ۗ (النحل 69:16)

اس کے پیٹ میں سے پینے کی ایک چیز نکلتی ہے جس کی رنگتیں مختلف ہوتی ہیں کہ اس میں لوگوں کے لیے شفا ہے

4: وَنُنَزِّلُ مِنَ ٱلۡقُرۡءَانِ مَا هُوَ شِفَآءٌ وَرَحۡمَةٌ لِّلۡمُؤۡمِنِينَ‌ۙ (الإسراء 82:17 )

اور ہم قرآن میں ایسی چیزیں نازل کرتے ہیں کہ وہ ایمان والوں کے حق میں تو شفا اور رحمت ہے

5: وَإِذَا مَرِضۡتُ فَهُوَ يَشۡفِينِ (الشعراء 80:86)

اور جب میں بیمار ہو جاتا ہوں (جس کے بعد شفا ہو جاتی ہے) تو وہی اللہ مجھ کو شفا

دیتا ہے۔

6: قُلۡ هُوَ لِلَّذِينَ ءَامَنُواْ هُدًى وَشِفَآءٌ (حٰمٓ السجدة 41:44)

فرما دیجیے آپ صلی اللہ علیہ وسلم کہ مومنین کے لیے یہ ہدایت اورشفاء ہے

میں نے ان آیات کو لکھا اور پانی میں گھول کر بچے کو پلایا اور وہ بچہ اسی وقت شفاء پا گیا گویا کہ اس کے پاؤں سے گرہ کھول دی گئی ہو (مدارج النبوۃ)

ماخوذ از : اسوۂ رسولِ اکرم صلی اللہ علیہ وسلم" تالیف ڈاکٹر محمد عبدالحی " صاحب رحمۃ اللہ علیہ